Probas libres para a obtención de títulos FP (LOE). Curso 2019-2020
As probas libres teñen por finalidade permitir ás persoas participantes obteren directamente algún dos títulos de técnico ou de técnico superior de formación profesional, sempre que demostren ter alcanzados os obxectivos establecidos na Lei orgánica 2/2006, do 3 de maio, para a formación profesional, así como os fixados no currículo respectivo.
As probas realizaranse na primeira quincena do mes de setembro. O centro de matriculación facilitará a información relacionada co calendario de realización das probas e coas xornadas de acollemento.
Lugar e prazo de presentación de solicitudes
Na convocatoria do curso 2019-2020, o período de solicitudes considerarase período de matrícula en prazas liberadas (segundo o establecido no artigo 3.2 da Resolución do 29 de maio de 2020) polo que as solicitudes de matrícula para participar nas probas libres de formación profesional de títulos LOE presentaranse na secretaría do centro público elixido en primeira opción.
Unicamente poderá presentar a solicitude de admisión quen cumpra os requisitos de acceso no período da matrícula.
O prazo de presentación de solicitudes de matrícula será do 1 ao 12 de xuño de 2020.
PINCHA AQUÍ para máis información
